भगवान श्री सीताराम जी की

आरती भगवान श्री सीताराम जी की

गाओ गाओ री प्रिया - प्रीतमकी आरति गाओ । 

आसपास सखियाँ सुख दैनी, 

सजि नव साज सिंगार सुनैनी बीन सितार लिएँ पिकबैनी, 

गाइ सुराग सुनाओ ।।1।। 

अनुपम छबि धरि दंपति राजत, 

नील पीट पट भूषन भ्राजत, 

निरखत अगनित रति छबि लाजत, 

नैननको फल पाओ ।। 2 ।। 

नीरजनैन चपल चितवनमें, 

रुचिर अरुनिमा सुचि अधरनमें, 

चंद्रबदनकी मधु मुसुकनमें निज नयनाँ अझुराओ ।।3।। 

कंचन थार सँवारि मनोहर, 

घृत कपूर सुभ बाति ज्योतिकर, 

मुरछल चवँर लिए 'रामेस्वर' हरषि सुमन बरसाओ ।। 4।।